Skredløpet gjekk av stabelen for første gang i 2007 og vart umiddelbart ein suksess med omlag 230 deltakarar. I 2008 var antallet steget til omlag 270,og i 2014 til omlag 370.
Løpet startar ved skredmuren på Aga og går i godt merka løype i naturen, forbi Svartetjødn, Rogdatjødn og Rogdo, før ein svingar opp og passerer skredløpa på sørsida av Rogdo. Vidare går løypa i naturskjønne omgjevnadar opp til Kvestadstølane, og når ein nærmer seg dette området, er utsikta overveldane. Dette er også det høgste punktet i løypa, og herfrå er det stort sett unnabakke ned til mål på Reisæter. Heile løypa er ca. 8,5 km lang og passar for alle som likar å gå i naturen.