PROGRAMOVERSIKT

utstillingsopn

UTSTILLINGSOPNING SKEIVE IKONER

onsdag 5. oktober kl 16:00 - 16:00, NITROGENANLEGGET

Årets symposieutstilling markerer 50-årsjubileet for avkriminaliseringa av homofili i Norge.

Fotograf Fin Serck-Hanssen og forfattarane Bjørn Hatterud og Caroline Ugelstad Elnæs viser fram dei leiiande folka frå det skeive miljø i Noreg i 1972.

Som ikkje-konforme individ kjempa dei aktivt mot diskriminerande strukturar i norsk kultur og samfunn. 
Sjølve dokumentasjonsarbeidet har vore utførd av Skeivt arkiv og andre, og Serck-Hanssen, Hatterud og Ugelstad Elnæs har sloppe seg laus for å få fram mangfaldet dei skeive liva representerer, med alle fargane og formane, motsetninga og moroa, party og politikk.

I eit samfunn kor seksualitet og begjær framleis blir manipulert og freista gjort straumlineforma av ein normativ status med den borgerlige kjernefamilien som primærmodell, vert skeive liv framleis marginalisert og stigmatisert. Skeive sin kamp for rettar og toleranse som fundament for demokrati og sosial mobilitet, er ikkje over. Angrepa i Oslo i juni var ein augeopnar for mange om det. 
Prosjektet er produsert av Fotogalleriet, og vil ta form som ei rekkje utstillingar, eit offentleg program og ei bokutgjeving i 2022. Det er eit bidrag til markeringa av Skeivt Kulturår.