fredag 6. desember kl 12:00 - 19:30, Husflidsbua & Hardanger Folkemuseum

Bli med å feir bunaden.

Den 6. desember vert «Bunadbruken i Norge, tradisjonshåndverk og sosial praksis» skriven inn på UNESCO si liste over immateriell kulturarv. Innskrivinga får me grunna den breie og folkelege bunadbruken, handverket som ligg bak, og den store variasjonen av bunadstradisjonar over heile landet. Det finst over 450 ulike bunader i Norge, og den fyrste veka i desember vert dei alle offisielt ein del av verdas levande kulturarv. Dette vil Folgefonn husflidslag og Hardanger folkemuseum vera med å feira!

Det vertope hus og aktivitetar for born i husflidsbua på Utne frå kl 12.00 – 16.00. Her kan store og små koma å prøva seg på nokre av dei mange artige teknikkane som finst i ein bunad.
 

Etterpå vert det bunadskafé frå 18.00 – 19.30 på Hardanger Folkemuseum. Ta med deg handarbeid viss du vil, og kjøp noko godt i kafeen. Program: Museet visar fram alle sine seks perlekrunar og utvalde godbitar frå bunadsamlinga, medlemmer i Folgefonn husflidslag demonstrerer perletreing og metallknipling, og det vert live-overføring frå bunadsfesten i Oslo og andre bunadsarrangement rundt om i landet.

Hjarteleg velkomne alle, gjerne i bunad.

Gratis inngang.