lørdag 22. februar kl 22:00 - 23:59, Iris Scene

Bjørn Moe med band kjem til Iris Scene i februar.

Nesten på dagen 2 år etter debutkonserten i Odda kjem Bjørn Moe og banda tilbake til Iris Scene. Førre gong var konserten utseld, så det kan vera lurt å sikra seg billett på førehand.

Poprock møter world music. Spe på med saftige trommer, nokon odde taktartar her og der, djupe tekstar og vakre melodiske landskap. Då har du trommisen, vokalisten og komponisten Bjørn Moe sitt debut album «Angel Number Seven».
Bjørn Moe sleppte debutalbumet sitt 10. februar 2023, og spelte for utselde releasekonsertar på Iris Scene i Odda og Madam Felle i Bergen. Konsertane fekk strålande tilbakemeldingar, ikkje minst når det gjeld formidling.
Instrumenteringa, tekstane og Bjørn Moe si evne til å kommunisera med publikum fekk fram ord som «magisk konsert» og «trollbatt publikum».
I avisa Hardanger Folkeblad uttalte PR ansvarleg for arrangøren, Renate Espe Aase; «Bjørn Moe skapte magisk stemning på Iris Scene».
Bjørn Moe sitt debutalbum har pr no passert 250.000 streams på strøymetenestene.
I tillegg til Bjørn Moe på trommer og vokal, består bandet av:
Kristin Bergsvik - kor / perkusjon
Kjell Arne Bauge - gitarar
Svein Henning Berstad - bass / kor
Einar Sogstad - orgel / piano

Inngang: kr. 240 / kr. 290 (Medlem BLU / Ikkje medl)
Billettar kan kjøpast på TicketCo.

Foto: Tor Helge Øygarden