Tysdag 15. desember blir det høgtidsstund i Langhuset, Odda. Då inviterer Hanne Krogh til julekonsert med tre av dei mest spektakulære songarane i landet og framifrå internasjonalt kor i Odda.
I 16 år gav Hanne Krogh, saman med dei tre opera-tenorane sine, det norske folket julestemning i sin reinaste, vakraste og mest storslåtte form. No opnar ho døra til ein ny musikalsk draum:
Å sameina dei fremste stjernene våre innan opera, gospel og musikal i sterke soloaugneblinkar, gnistrande duettar, storslåtte fellesnummere - i kombinasjon med varme, humor og den heilt spesielle kjensla av at jula verkeleg har komme.
Hannes julestjerner kjem til Langhuset med tre av Noregs fremste songarar – kvar med den heilt særeigne stemma si, sitt eige uttrykk og ein imponerande musikalsk bakgrunn.
Markus Bjørlykke er det nye stjerneskotet ved Den Norske Opera & Ballett, og blir ein lysande internasjonal karriere spådd.
Anna-Lisa Kumoji er vår eiga gospel-dronning, med ei kraft og eit nærvær som har begeistra publikum både i Noreg og internasjonalt. Ho har også gjort seg merka i store musikalroller på nokre av dei fremste scenene i landet.
André Søfteland er utdanna i London og har sunge store roller i nokre av dei mest kjende musikalane, både i New York og Noreg. Med ei stemme som rommar både kraft, varme og musikalitet, er han ein artist som verkeleg fyller scena.
Inngang: kr. 670
Billettar kan kjøpast på Ticketmaster.
