lørdag 5. april kl 18:00 - 19:00, Odda Kino

Lanseringskonsert: «BEYOND THE HORIZON | FAURÉ | SONGS» Ørjan Hartveit (baryton) & Torgeir Kinne Solsvik (piano)Odda kino.

I samband med lanseringa av albumet "BEYOND THE HORIZON | FAURÉ | SONGS" inviterer Odda kino til konsert laurdag 5. april med Ørjan Hartveit og Torgeir Kinne Solsvik. Saman presenterer dei utdrag frå den nye plata deira, og dessutan verkar av Camille Saint-Saëns, Maurice Ravel og Nadia Boulanger – komponistar som anten påverka eller lét seg in6uere av Fauré, ein av Frankrikes mest store komponistar i brytningstida mellom romantikken og modernismen.

Barytonen Ørjan Hartveit er fødd og oppvaksen i Odda og utdanna i London. Har vore solist med mellom anna Bergen Filharmoniske Orkester, Barokkanerne, BIT20,Copenhagen Soloists og Drottningholms Barockensemble, og har gitt ei rekkje recitaler både i USA og i Europa. Ørjan er i tillegg fast knytt til det internasjonalt anerkjende Edvard Grieg Vokalensemble, med base i Bergen.

Torgeir Kinne Solsvik har spesialisert seg på akkompagnement av songarar og instrumentalistar, og har over 10 cd-utgivelser bak seg. Han har gjort konsertar med songarar i Tyskland, Austerrike, Kina, Sri Lanka, USA og Russland. Hartveit og Solsvik spelt ei rekkje konsertar saman på Vestlandet dei siste 15 åra, og i 2010 gav dei ut plata «Geirr Tveitt – Piano Works and Songs».

Utgivinga "BEYOND THE HORIZON | FAURÉ | SONGS" er gjord mogleg ved hjelp av støtte frå Harding Puls.

Inngang: kr. 300
Billettar kan kjøpast på eBillett.