Stemnet opnar fredag ettermiddag med mottaking av pilegrimar og samling på grendehuset. Om kvelden blir det konsert med trioen Grethe Svensen, Lars Jones og Torbjørn Økland i stavkyrkja. Grethe Svensen blei kjend då ho var medlem i Oslo Gospel Choir. Som solist, utmerka ho seg og blei raskt ein velkjend soloartist i Norge. Ho har gitt ut fleire album som har fått strålande kritikkar. Ho har og turnert med Bjørn Eidsvåg. Som han, er Grethe opprinneleg frå Sauda.
Lars Jones spelar fast med Di Derre og Jo Nesbø. Han er ein meget god vokalist og musikar/komponist.
Det same kan ein seie om Torbjørn Økland. Han er godt kjent i Røldal frå Røldalsspelet som han har vore med å skapa. Økland starta i si tid gruppa Vamp kor han spilte i 23 år før han satsa på eiga musikkarriere. Økland er ein glitrande musikar, komponist og songar.
Etter konserten, fortset pilegrimshelga med morgonbøn, føredrag, bygdevandring, krossvandring og den tradisjonsrike pilegrimsmessa laurdagskvelden.
